Аляксей Папоў, мастак дэкаратыўна-прыкладнога мастацтва, працаваў у галіне тэкстыльнага малюнка. З 1947 г. пачаў прымаць удзел у мастацкіх выставах. У 1953 г. прыняты ў Саюз мастакоў СССР.
У 1963–1966 гг. А. С. Папоў працаваў загадчыкам мастацкага аддзела Іванаўскай тэкстыльнай фабрыкі імя Ф. Зіноўева. У 1967 г. прыехаў на працу ў г. Баранавічы Брэсцкай вобласці, дзе з 1966 г. пачала дзейнічаць ткацкая фабрыка Баранавіцкага баваўнянага камбіната. Вырабляліся мастацкія тканіны з баваўняных нітак, арнаментаваныя нанясеннем малюнка на гатовую тканіну.
Аляксей Сцяпанавіч працаваў мастаком Баранавіцкага баваўнянага камбіната (з 1970 г. — імя ЛКСМБ). Аўтар узораў малюнкаў для масавай вытворчасці: «Гліцынія», «Гладыёлусы», «Цюльпан», «Хваля», «Званочкі», «Ружы» і інш. Тканіны (паркаль і штапель) з малюнкамі А. С. Папова экспанаваліся на ВДНГ СССР, на міжнародных выставах і кірмашах.
А. С. Папоў заўчасна памёр 26 верасня 1974 г.
Матэрыял падрыхтаваны ў 2021 г. Брэсцкай абласной бiблiятэкай iмя М. Горкага. Сухапар Уладзiмiр Васiльевiч, гал. бiблiёграф аддзела краязнаўчай лiтаратуры i бiблiяграфii
- Папоў Аляксей Сцяпанавіч // Беларускі саюз мастакоў, 1938–1998 : энцыкл. даведнік. Мінск, 1998. С. 414.
- Папоў Аляксей Сцяпанавіч / Ф. І. Валадзько // Энцыклапедыя літаратуры і мастацтва Беларусі : у 5 т. Мінск, 1987. Т. 4. С. 172.
- Попов Алексей Степанович // Художники Советской Белоруссии. Минск, 1976. С. 280.