Леанід Мікалаевіч Салаўёў нарадзіўся 9 снежня 1936 года ў вёсцы Дзюкава Валагодскай вобласці (Расія). Бацька быў на фронце з 1941 года, загінуў у 1944. Маці працавала на чыгунцы, у чэрвені 1945 года яе перавялі ў Брэст і яна пераехала з чатырма дзяцьмі. Тут Леанід пайшоў у першы клас школы № 8. Наведваў студыю выяўленчага мастацтва Пятра Аляксеевіча Данеліі, які прывіў яму любоў да мастацтва, жывапісу, вызначыў лёс і творчы шлях мастака, даў рэкамендацыю ў Саюз мастакоў.

Юзаф Iгнацы Крашэўскi нарадзiўся 28 лiпеня 1812 года ў Варшаве ў сям’i пружанскага харунжага Яна Крашэўскага. З’явiўся на свет не ў спакойным дамашнiм гняздзе ў в. Доўгае Пружанскага павета (цяпер Пружанскі раён Брэсцкай вобласці), а ў дарозе, у гатэлi. У той час як Зоф’я Крашэўская рыхтавалася стаць мацi, армiя Напалеона збiрала сiлы для паходу на Расiю. У сувязi з гэтым, каб пазбавiць жонку ад небяспекi блiзкай вайны, Ян Крашэўскi перавёз яе ў Раманаў Уладаўскага павета да бацькоў, а на пачатку лiпеня рожанiцу адправiлi ў Варшаву як найбольш бяспечнае месца. Восенню Зоф’я з першынцам вярнулася ў Раманаў.

Пётр Фёдаравiч Папковіч нарадзіўся 5 красавіка 1887 года ў г. Брэст-Літоўску Гродзенскай губерні (цяпер Брэст) у сям’і інжынера. Маці, Варвара Сцяпанаўна (Булах), была дачкой павятовага ўрача. Бацька працаваў на будаўніцтве Палескіх чыгуначных дарог, сям’я часта пераязджала. Так здарылася, што Пётр Папковіч пачаў вучыцца ў гімназіі ў Ашхабадзе, а ў 1905 годзе закончыў з залатым медалём гімназію ў Самары.

Фёдар Рыгоравіч Фадзееў нарадзіўся 16 чэрвеня 1926 года ў вёсцы Новамікалаеўка Палтаўскага раёна Уральскай (Чалябінскай) вобласці ў сялянскай сям’і ўральскіх казакоў. Яшчэ падлеткам вырашыў стаць чыгуначнікам, паехаў вучыцца ў чыгуначнае вучылішча. 12 чэрвеня 1943 года ён стаў памочнікам машыніста паравоза Ташкенцкай чыгункі.

Аляксандр Ігнатавіч Уласавец нарадзіўся 8 жніўня 1901 года ў вёсцы Лапацічы Слуцкага павета Мінскай губерні (цяпер Знаменскага сельсавета Слуцкага раёна Мінскай вобласці) у сялянскай сям’і. Працоўную дзейнасць пачаў пастухом. У Грамадзянскую вайну быў у партызанах у Слуцкім павеце (1918–1920).