Спадчына
2016 г. – 110 гадоў з часу пабудавання (1906) Свята-Мікалаеўскай Брацкай царквы ў г. Брэсце
Гісторыя Свята-Мікалаеўскай брацкай царквы пачынаецца з 1885 года, калі праваслаўным брацтвам Брэст-Літоўска была пабудавана драўляная царква, якая звалася Мікалаеўскай. Пажар 4–5 мая 1895 года знішчыў яе, і было вырашана пачаць будаўніцтва новага каменнага храма.
У 1904–1906 гадах у г. Брэст-Літоўску (цяпер Брэст) была ўзведзена царква ў гонар Свяціцеля Мікалая. Яе будаўніцтва вялося на ахвяраванні маракоў і афіцэраў – удзельнікаў Руска-японскай вайны, якія лічылі Свяціцеля Мікалая сваім пакравіцелем, і на сродкі брацтва ў гонар Свяціцеля Мікалая і Апанаса, прападобнага ігумена Брэсцкага. Па гэтай прычыне царква мае неафіцыйны дадатак у назве – брацкая.
Дадатковая інфармацыя
- Імёны
- Падзеі
- Помнікі
- Рэгіён Брэст
- Прадметы Цэрквы
- Установы Брэсцкая Свята Мікалаеўская брацкая царква
11 сакавіка 2016 г. – 450 гадоў з часу існавання Берасцейскага ваяводства, адміністрацыйна-тэрытарыяльнай адзінкі ў Вялікім Княстве Літоўскім (1566–1795)
Берасцейскае ваяводства – адміністрацыйна-тэрытарыяльная адзінка ў Вялікім Княстве Літоўскім і Рэчы Паспалітай. Было створана 11 сакавіка 1566 года рашэннем Віленскага сойма ў ліку 13-ці ваяводстваў ВКЛ. Для новай адзінкі са складу Падляшскага ваяводства, якое было створана ў 1513 годзе, былі вылучаны Берасцейскі, Камянецкі і Кобрынскі паветы.
Выдзяленне Берасцейскага ваяводства ў ходзе адміністрацыйнай рэформы 1565–1566 гадоў звязваюць з падрыхтоўкай да Люблінскай уніі 1569 года, па якой Падляшскае ваяводства было ўключана ў склад Польскай Кароны. Стварэнне Берасцейскага ваяводства было накіравана на захаванне гэтых земляў у складзе ВКЛ.
Дадатковая інфармацыя
- Імёны
- Падзеі
- Помнікі
- Рэгіён Брэст, Берасце, Берасцейскае ваяводства
- Прадметы Ваяводствы
- Установы
26 чэрвеня 2016 г. – 75 гадоў з часу стварэння (1941) ААТ «558 Авіяцыйны рамонтны завод», вядучага прадпрыемства абароннага сектара эканомікі Рэспублікі Беларусь, якое ажыццяўляе рамонт і мадэрнізацыю авіяцыйнай тэхнікі
Гісторыя Баранавіцкага ААТ «558 Авіяцыйны рамонтны завод» пачынаецца літаральна з першых дзён Вялікай Айчыннай вайны. На працягу 23 чэрвеня–23 ліпеня 1941 года ў складзе 8-й Паветранай арміі ў г. Харкаў (Украіна) былі сфарміраваны 38-я рухомыя авіяцыйна-рамонтныя чыгуначныя майстэрні (вайсковая частка 21951). Майстэрні, перамяшчаючыся па чыгунцы, павінны былі базіравацца паблізу лініі фронта, каб аператыўна рамантаваць пашкоджаную ў баях авіятэхніку. Але з-за адсутнасці неабходнага рухомага саставу (за выключэннем трох вагонаў) 1 жніўня 1941 года яны, згодна загаду штаба Ваенна-паветранных сіл Паўднёва-Заходняй ваеннай акругі, былі перададзены 257-м стацыянарным авіяцыйным майстэрням. У іх складзе 1 кастрычніка 1941 года майстэрні былі эвакуіраваны ў г. Урупінск Сталінградскай вобласці. Пасля прыбыцця на месца дыслакацыі яны размясціліся на тэрыторыі дзяржаўных стайняў, якія аператыўна былі пераабсталяваны пад вытворчыя памяшканні і цэхі.
Дадатковая інфармацыя
- Імёны
- Падзеі
- Помнікі
- Рэгіён Баранавічы
- Прадметы Заводы, Рамонтныя заводы, Прадпрыемствы
- Установы «558 Авіацыйны рамонтны завод» ААТ
30 мая 2016 г.– 65 гадоў з дня нараджэння Анатоля Міхайлавіча Хвісевіча (1951), мастака манументальна-дэкаратыўнага мастацтва, афарміцеля інтэр’ераў, жывапісца
Анатоль Міхайлавіч Хвісевіч нарадзіўся 30 мая 1951 года ў вёсцы Стахавічы Пінскага раёна Пінскай (цяпер Брэсцкай) вобласці. У 1973 годзе скончыў архітэктурны факультэт Брэсцкага інжынерна-будаўнічага інстытута.
Дадатковая інфармацыя
- Імёны Хвісевіч Анатоль Міхайлавіч
- Падзеі
- Помнікі
- Рэгіён Пінскі раён, Стахавічы
- Прадметы Мастакі, Жывапісцы
- Установы
20 мая 2016 г. – 80 гадоў з дня нараджэння Пятра Пятровіча Суцько (1936–2010), журналіста, заслужанага работніка культуры Беларусі
Пётр Пятровіч Суцько нарадзіўся 20 мая 1936 года ў вёсцы Асошнікі Косаўскага павета Палескага ваяводства (цяпер Зеляневіцкага сельсавета Пружанскага раёна Брэсцкай вобласці). Гадаваўся ў вялікай сялянскай сям’і, з дзяцінства пазнаў цяжкую долю сіроцтва і таму рана пачаў свой працоўны шлях.
Дадатковая інфармацыя
- Імёны Суцько Пётр Пятровіч
- Падзеі
- Помнікі
- Рэгіён Пружанскі раён, Асошнікі
- Прадметы Журналісты, Заслужаныя дзеячы культуры
- Установы