21 красавіка гасцямі Бярозаўскай дзіцячай бібліятэкі сталі навучэнцы 5 "Б" класа СШ № 1. З дапамогай электроннай прэзентацыі "Я тут жыву" дзеці адправіліся ў займальнае падарожжа па роднаму гораду.

Яны даведаліся, што горад Бяроза размешчаны на рацэ Ясельда, што колькасць насельніцтва горада прыблізна складае 29500 чалавек і што ў ліпені гэтага года Бяроза адзначыць сваё 540-годдзе. Бібліятэкары  распавялі легенды пра паходжанне назвы нашага горада, цікавыя факты пра яго герб. Юныя бярозаўчане пазнаёміліся з помнікамі гісторыі і архітэктуры і здзейснілі завочную экскурсію на прадпрыемствы горада.