24 верасня 2024 г. — 60 гадоў з дня нараджэння епіскапа Пінскага і Лунінецкага Георгія (Юрый Феадосьевіч Вайтовіч; 1964)
Юрый Феадосьевіч Вайтовіч нарадзіўся 24 верасня 1964 г. у г. Пінску Брэсцкай вобласці ў сям’і рабочых. Закончыў сярэднюю школу № 10 г. Пінска (1981), прафесійна-тэхнічнае вучылішча № 88 г. Пінска (1982). Служыў у Савецкай арміі (1982–1983). Працаваў у раённым вузле сувязі, мастаком-афарміцелем ў будаўнічым трэсце № 2 г. Пінска.
З 1984 г. Юрый Вайтовіч нёс кліраснае паслушанне пры храме Кірыла і Мяфодзія ў в. Пагост-Загародскі Пінскага раёна, з 1986 г. – пры саборы Варвары г. Пінска. Мінтрапалітам Мінскім і Беларускім Філарэтам (Вахрамеевым) 28 снежня 1986 г. рукапаложаны ў дыяканы. У 1987 г. назначаны ў клір Троіцкага храма ў в. Бездзеж Драгічынскага раёна, у 1988 г. – у клір храма Праабражэння Гасподняга ў г. п. Лагішын Пінскага раёна.
25 сакавіка 2024 г. — 80 гадоў з дня нараджэння архіепіскапа Пінскага і Лунінецкага Сцяфана (Ігар Пятровіч Корзун; 1944–2022), Ганаровага грамадзяніна Брэсцкай вобласці (2014)
Архіепіскап Сцяфан (пры нараджэнні Ігар Пятровіч Корзун) нарадзіўся 25 сакавіка 1944 г. у в. Карзуны Чэрвеньскага раёна Мінскай вобласці з сям’і селяніна. Быў ахрышчоны ў Благавешчанскай царкве сяла Малыя Ляды, пабудаванай з цэглы ў 1794 г. Царква ў канцы 1950-х была зачынена, у 1992 г. прыход адноўлены, з 1994 г. храм у адноўленым Лядзенскім мужчынскім манастыры.
23 снежня 2023 г. – 70 гадоў з дня нараджэння Валерыя Фёдаравіча Грышкаўца (1953), журналіста, паэта, перакладчыка, лаўрэата Нацыянальнай літаратурнай прэміі Беларусі (2020)
Валерый Фёдаравіч Грышкавец нарадзіўся 23 снежня 1953 г. у г. Пінску Брэсцкай вобласці. З дзевятага класа пайшоў працаваць на завод, вучыўся ў вячэрняй школе. Служыў у Савецкай арміі (Семіпалацінская вобласць; 1973–1975). Працаваў на розных пасадах: слесарам, электрыкам, матросам на рачным флоце, вінаградарам у Крыму, геолагаразведчыкам у Іркуцкай вобласці, рабочым на будоўлях у Бураціі і Літве.
1 лістапада 2023 г. – 75 гадоў з дня нараджэння Тамары Пятроўны Лазнюхі (1948), паэтэсы
Тамара Пятроўна Лазнюха (Вайтовіч) нарадзілася 1 лістапада 1948 г. у в. Дамашыцы Пінскага раёна Брэсцкай вобласці ў сям’і служачых. Скончыла Малоткавіцкую сярэднюю школу і Мінскі тэхналагічны тэхнікум (1972).
З 1966 г. Тамара Лазнюха жыве ў Пінску. Некаторы час працавала на Пінскай фабрыцы мастацкіх вырабаў. У 1980 г. цяжка захварэла, у выніку чаго стала інвалідам І групы (фізічная нерухомасць). Дачцы было толькі 12, а сыну – 7, яны прынялі на сябе догляд за маці.
5 лютага 2023 г. — 80 гадоў з дня нараджэння Міхаіла Васільевіча Цурканава (1943–2022), работніка культуры, мастацкага кіраўніка, Ганаровага грамадзяніна г. Пінска
Міхаіл Васільевіч Цурканаў нарадзіўся 5 лютага 1943 г. у в. Сухадол Камянецкага раёна Брэсцкай вобласці. Бацька, машыніст цеплавоза, быў расстраляны немцамі за сувязь з партызанамі. Маці адна падымала дзяцей. Міша з маленства цягнуўся да музыкі, спяваў. Заўсёды быў вельмі актыўным у справах сваёй камсамольскай арганізацыі. За першую палучку купіў сабе гармонік, іграў на вясковых вечарынках. Яго нават для раённай газеты здымалі як перадавога пастуха, актывіста і музыку.
Каб умацаваць калгасную самадзейнасць, юнака накіравалі ў Мінск на курсы харэографаў. Вярнуўся Міхаіл Цурканаў у сваю вёску ўжо як спецыяліст, прыняў новы клуб. Арганізаваў самадзейнасць, ездзілі з канцэртамі па ўсёй акрузе.
17 снежня 2022 г. — 120 гадоў з дня нараджэння Барыса Львовіча Шапашніка (1902–1985), канструктара ў вобласці аўтамабілебудавання, доктара тэхнічных навук, Героя Сацыялістычнай Працы (1973)
Барыс Львовіч Шапашнік нарадзіўся 17 снежня 1902 г. у г. Пінску Мінскай губерні (цяпер Брэсцкай вобласці) у беднай шматдзетнай яўрэйскай сям’і. Бацькі імкнуліся даць дзецям адукацыю. Барыс наведваў пачатковую 4-класную школу, а затым вышэйшае 4-класнае вучылішча, якое не закончыў з-за недахопу сродкаў, але займаўся самаадукацыяй.
2022 г. — 45 гадоў з часу апублікавання рамана І. С. Клаза «Белая Русь» (1977), прысвечанага антыфеадальнаму паўстанню 1648 г. у г. Пінску
Ілья Сямёнавіч Клаз нарадзіўся 17 сакавіка 1922 г. у Магілёве. Яго бацька працаваў друкаром газеты «Звязда», сям’я жыла ў Мінску. Ілья Клаз закончыў сярэднюю школу, у 1939 г. паступіў на літаратурны факультэт Мінскага педагагічнага інстытута. З 1941 г. на фронце, удзельнічаў у баях на Паўночна-Заходнім, 2-м Прыбалтыйскім і 1-м Беларускім франтах, дайшоў да Берліна.
14 кастрычніка 2022 г. — 110 гадоў з дня нараджэння Андрэя Цімафеевіча Макарава (1912–2001), генерал-лейтэнанта, Героя Савецкага Саюза (1945)
Андрэй Цімафеевіч Макараў нарадзіўся 14 кастрычніка 1912 г. у в. Хвалінская Лёкшмозерскай воласці Аланецкай губерні (цяпер сяло Арлова Каргапольскага раёна Архангельскай вобласці) у сям’і селяніна. Атрымаў сярэднюю адукацыю. Пасля школы быў на камсамольскай рабоце: кіраваў аддзелам прапаганды і агітацыі райкама камсамола ў г. Каргопалі, з’яўляўся сакратаром райкама камсамола ў г. Няндома.
2 мая 2022 г. — 95 гадоў з дня нараджэння Рыгора Мікалаевіча Мігая (1927–2007), спецыяліста рачнога транспарту, Героя Сацыялістычнай Працы (1966)
Рыгор Мікалаевіч Мігай нарадзіўся 2 мая 1927 г. у в. Глухавічы Брагінскага раёна Гомельскай вобласці ў сялянскай сям’і. Вучыўся ў мясцовай школе, дапамагаў бацькам па гаспадарцы. У галодны час нямецка-фашысцкай акупацыі дапамагаў сям’і выжыць, падлеткам выконваў цяжкую фізічную работу. У 1944 г. застаўся сіратой. Па накіраванні камсамола паступіў на вучобу ў школу фабрычна-завадскога навучання пры Чарнобыльскім суднарамонтным заводзе (Украінская ССР).
2022 г. — 80 гадоў з часу стварэння Пінскага партызанскага злучэння (1942) у гады Вялікай Айчыннай вайны
У першыя дні Вялікай Айчыннай вайны ў Пінску, напярэдадні акупацыі горада, быў створаны першы партызанскі атрад пад камандаваннем В. З. Каржа, які 28 чэрвеня правёў першы бой з акупантамі. У Пінскай вобласці ў 1941–1942 гг. былі створаны партызанскія атрады імя С. М. Кірава, імя В. І. Чапаева, імя М. А. Шчорса, імя М. Ц. Шыша, В. А. Васільева, А. І. Дамброўскага, якія вялі актыўную ўзбронную барацьбу з нямецка-фашысцкімі захопнікамі.