15 студзеня 2015 года Жабінкаўскі раён адзначыў 75-годдзе з часу стварэння. З гэтай нагоды 16 студзеня 2015 года Жабінкаўская цэнтральная раённая бібліятэка да ўрачыстага мерапрыемства падрыхтавала выставу-панараму «Гэта наша з табой біяграфія».

З 13 студзеня 2015 г. у чытальнай зале Драгічынскай цэнтральнай раённай бібліятэкі дзейнічае выстава-панарама «Драгічынскі раён: мінулае і сучаснасць», прысвечаная 75-годдзю стварэння Драгічынскага раёна.

З 1 снежня 2014 г. па 15 студзеня 2015 г. у чытальнай зале Маларыцкай цэнтральнай раённай бібліятэкі дзейнічае аўтарская выстава фотаздымкаў з калекцыі Валерыя Антонавіча Савасціёнка, мясцовага краязнаўцы «Маларытчына: фотаздымкі мінулых гадоў».

12 снежня 2014 г. у чытальнай зале Баранавіцкай ЦГБ імя В. Таўлая адбылося свята кнігі «Юбилей, которым стоит гордится», прысвечанае 75-годдзю з часу заснавання цэнтральнай гарадской бібліятэкі. Прайшло яно даволі сціпла па прычыне рамонту.

4 снежня ў чытальнай зале Маларыцкай цэнтральнай раённай бібліятэкі адбыўся майстар-клас Дзіны Фёдараўны Бягезы «Саламяны цуд». На гэтае мерапрыемства былі запрошаны вучні старэйшых класаў Збуражскай сярэдняй школы.