Піншчына была вызвалена ад нямецка-фашысцкіх акупантаў у ліпені 1944 г. Многія жыхары былі прызваны ў Чырвоную армію. Таксама ў жніўні 1944 г. Лагішынскім райваенкаматам быў прызваны Пётр Бандарчук. Ваяваў стралком, кулямётчыкам 275-га стралковага палка 117-й стралковай дывізіі 69-й арміі 1-га Беларускага фронту.
Удзельнік вызвалення Польшчы. Радавы Пётр Бандарчук асабліва вызначыўся пры фарсіраванні Віслы 8 лютага 1945 г. Двое сутак адбіваў варожыя контратакі, утрымліваючы захоплены рубеж да падыходу асноўных сіл батальёна. За гэты подзвіг 22 лютага ўзнагароджаны ордэнам Славы ІІІ ступені.
У баях за г. Познань 12 лютага Пётр Бандарчук з напарнікам авалодаў апорнай кропкай, знішчыў 7 гітлераўцаў, што садзейнічала паспяховаму наступленню батальёна. 26 лютага ўзнагароджаны ордэнам Славы ІІІ ступені.
У ходзе Варшаўска-Познаньскай аперацыі П. Ф. Бандарчук вызначыўся трэці раз. Знаходзячыся ў разведцы, 14 лютага ў вулічным баі за будынак у Познані гранатамі падавіў варожую агнявую кропку. Але атрымаў цяжкае асколачнае раненне ў нагу і быў адпраўлены ў шпіталь. Пасля працяглага лячэння ў жніўні 1945 г. быў дэмабілізаваны як інвалід.
У 1947 г. Лагішынскім райваенкаматам і райкамам КП(б)Б П. Ф. Бандарчук, як актыўны ўдзельнік Вялікай Айчыннай вайны і атрымаўшы цяжкае раненне, быў прадстаўлены да ўзнагароджання медалём «За боевые заслуги». Ваенкомам Пінскай вобласці статус узнагароды быў павышаны да ордэна Славы ІІІ ступені. Указам Прэзідыума Вярхоўнага Савета СССР ад 6 лістапада 1947 г. П. Ф. Бандарчук узнагароджаны ордэнам Славы ІІІ ступені.
Потым высветлілася, што з-за недакладных запісаў у дакументах адбылася памылка ў парадку ўзнагароджання. Указам Прэзідыума Вярхоўнага Савета СССР ад 19 жніўня 1955 г. ранейшыя загады былі адменены і П. Ф. Бандарчук пераўзнагароджаны ордэнамі Славы І і ІІ ступені.
Пасля вайны Пётр Фёдаравіч жыў у в. Вулька-Лаўская Валішчанскага сельсавета Пінскага раёна, працаваў у калгасе імя У. І. Леніна, быў паляводам, цесляром, апошні час — паштальёнам. Ветэран праводзіў вялікую работу па ваенна-патрыятычным выхаванні моладзі раёна. Карыстаўся аўтарытэтам сярод баявых таварышаў і працоўных Піншчыны. Яму былі ўласцівы прастата і сціпласць, глыбокае веданне жыцця.
У 1968 г. імя П. Ф. Бандарчука было занесена ў раённую «Кнігу народнай Славы». Персанальны пенсіянер саюзнага значэння. Узнагароджаны ордэнам Айчыннай вайны I ступені (1985), медалём «За доблестный труд. В ознаменование 100-летия со дня рождения В. И. Ленина» (1970), Ганаровай граматай Вярхоўнага Савета БССР (1978).
П. Ф. Бандарчук памёр 15 верасня 1996 г., пахаваны на вясковых могілках.
Матэрыял падрыхтаваны ў 2021 г. Пінскай цэнтральнай раённай бібліятэкай імя Я. Янішчыц. Вайтовіч Таццяна Мікалаеўна, гал. бібліёграф аддзела абслугоўвання і інфармацыі
- Бандарчук Пётр Фёдаравіч // Беларуская энцыклапедыя : у 18 т. Мінск, 1996. Т. 2. С. 277.
- Бондарчук Пётр Фёдорович (1.10.1911–15.9.1996) // Твои сыновья, Беларусь! Кавалеры ордена Славы : биографический справочник / Б. Д. Долготович. Минск, 2014. С. 26.
- Бондарчук Пётр Фёдорович // Регионы Беларуси : энциклопедия : в 7 т. Минск, 2009. Т. 1, кн. 1. С. 118.
- Бондарчук Петр Федорович // Республика Беларусь : энциклопедия : [в 7 т.]. Минск, 2006. Т. 2. С. 450.
- Петр Федорович Бондарчук (1.10.1911–15.9.1996) // Кавалеры ордена Славы : биографический справочник / Б. Д. Долготович. Минск, 2006. С. 22.
- Бандарчук Пётр Фёдаравіч // Энцыклапедыя гісторыі Беларусі : у 6 т. Мінск, 1993. Т. 1. С. 288.
- Бандарчук Пётр Фёдаравіч // Беларусь у Вялікай Айчыннай вайне, 1941–1945 : энцыклапедыя. Мінск, 1990. С. 57.
- Бондарчук Петр Федорович // Навечно в сердце народном. 3-е изд., доп. и испр. Минск, 1984. С. 66.
- Бондарчук Петр Федорович // Белорусская ССР : краткая энциклопедия : в 5 т. Минск, 1982. Т. 5. С. 71.
- Бандарчук Пётр Фёдаравіч // Беларуская ССР : кароткая энцыклапедыя : у 5 т. Мінск, 1981. Т. 5. С. 58.
- Бондарчук Петр Федорович // Навечно в сердце народном. 2-е изд., доп. и испр. Минск, 1977. С. 60.
- Бандарчук Пётр Фёдаравіч // Беларуская савецкая энцыклапедыя : у 12 т. Мінск, 1970. Т. 2. С. 123.
- З успамінаў П. Ф. Бандарчука // Памяць. Пінскі раён : гіст.-дакум. хроніка. Мінск, 2003. С. 306–307.
- Бунькевич, Е. П. Победа 1945 года — связь времён и поколений / Е. П. Бунькевич // Гісторыя і грамадазнаўства. Серыя «У дапамогу педагогу». 2016. № 6. С. 5–7.
- Бунькевич, Е. Полный кавалер ордена Славы : [о П. Ф. Бондарчуке] / Елена Бунькевич // Полесская правда. Пинск, 2015. 25 апреля.С. 12.
- Бондарчук Петр Федорович : [некролог] // Полесская правда. Пинск, 1996. 25 сентября. С. 4.
- Демьянец, П. Шел на запад солдат : [о П. Ф. Бондарчуке] / П. Демьянец // Заря. 1987. 29 января.
- Демьянец, П. Ради жизни на земле : [о П. Ф. Бондарчуке] / П. Демьянец // Сельская газета. 1985. 26 марта.