Спадчына
6 чэрвеня 2019 г. — 220 гадоў з дня нараджэння Аляксандра Сяргеевіча Пушкіна (1799–1837), рускага пісьменніка, пачынальніка новай рускай літаратуры, заснавальніка сучаснай рускай літаратурнай мовы
Аляксандр Сяргеевіч Пушкін нарадзіўся 6 чэрвеня 1799 г. у Маскве. Выхоўваўся ў Царскасельскім ліцэі (1811–1817). Служыў у Калегіі замежных спраў. Аўтар паэм «Каўказскі нявольнік» (1820–1821), «Бахчысарайскі фантан» (1823), «Медны коннік» (1833), трагедыі «Барыс Гадуноў» (1825), рамана «Яўгеній Анегін» (1830), цыкла прозы «Аповесці Белкіна» (1830), аповесці «Капітанская дачка» (1836), рамана «Дуброўскі» (1832–1833), казак, вершаў, паэм і многіх іншых твораў. Актыўна выступаў як журналіст і крытык. У 1836 г. пачаў выдаваць часопіс «Современник». У выніку каварнай свецкай інтрыгі смяротна паранены на дуэлі і памёр 10 лютага 1837 г.
Дадатковая інфармацыя
- Імёны Пушкін Аляксандр Сяргеевіч
- Падзеі Рускія пісьменнікі на Брэстчыне
- Помнікі
- Рэгіён Брэст, Брэст Літоўск
- Прадметы Пісьменнікі, Паэты
- Установы
21 мая 2019 г. — 80 гадоў з дня нараджэння Аляксандра Аляксандравіча Мартыненкі (1939), дзеяча культуры, музыканта, дырыжора
Аляксандр Аляксандравіч Мартыненка нарадзіўся 21 мая 1939 г. у Мінску. З дзяцінства захапляўся музыкай, у музычнай школе не вучыўся, але актыўна займаўся ў мастацкай самадзейнасці. У 10-м класе быў адным з арганізатараў вучнёўскага аркестра і абраны яго кіраўніком. Пасля школы паступаў у лётнае вучылішча, але няўдала, пайшоў працаваць. Праз год паступіў у Мінскае музычнае вучылішча.
Дадатковая інфармацыя
- Імёны Мартыненка Аляксандр Аляксандравіч
- Падзеі
- Помнікі
- Рэгіён Брэст
- Прадметы Музыканты, Дырыжоры, Дырэктары, Аркестры
- Установы Брэсцкая абласная філармонія, Камерны аркестр абластной філармоніі
9 чэрвеня 2019 г. — 65 гадоў з дня нараджэння Яўгена Аляксандравіча Бяласіна (1954), перакладчыка-германіста, пісьменніка, журналіста
Яўген Аляксандравіч Бяласін нарадзіўся 9 чэрвеня 1954 г. у вёсцы Грынявічы Поразаўскага (цяпер Свіслацкага) раёна Гродзенскай вобласці. Яго родныя мясціны на памежжы Белавежскай і Ружанскай пушчаў. Прафесію выбраў па слядах бацькі, выпускніка Віленскай беларускай гімназіі, настаўніка нямецкай мовы. Яўген Бяласін у 1975 г. скончыў Мінскі дзяржаўны педагагічны інстытут замежных моў. Пасля службы ў Савецкай арміі выкладаў нямецкую, англійскую мовы ды фізкультуру ў Мсціславе, Карэлічах.
Дадатковая інфармацыя
- Імёны Бяласін Яўген Аляксандравіч
- Падзеі
- Помнікі
- Рэгіён Брэст
- Прадметы Пісьменнікі, Журналісты, Краязнаўцы, Перакладчыкі
- Установы
14 верасня 2019 г. — 80 гадоў з часу абароны Войскам Польскім Брэсцкай крэпасці на пачатку Другой сусветнай вайны (1939)
Дзеянні гітлераўскай Германіі 1938 г. былі пагрозай суверэнітэту Польшчы. У сакавіку 1939 г. штаб Войска Польскага пачаў перадыслакацыю войск з усходу бліжэй да польска-германскай граніцы, правёў частковую мабілізацыю. У чэрвені частка падраздзяленняў Брэсцкага гарнізона была перавезена па чыгунцы ў раёны мяркуемай абароны.
Дадатковая інфармацыя
- Імёны Плісоўскі Канстанцін
- Падзеі Абарона Брэсцкай крэпасці (1939)
- Помнікі Брэсцкая крэпасць
- Рэгіён Брэст, Брэст над Бугам
- Прадметы
- Установы
22 верасня 2019 г. — 80 гадоў з дня ўступлення Чырвонай арміі ў г. Брэст у час Вызваленчага паходу ў Заходнюю Беларусь (1939)
Фашысцкая Германія напала на Польшчу 1 верасня 1939 г. 6 верасня штаб камандуючага войскамі Эдварда Рыдз-Сміглы, а таксама частка польскага ўрада пакінулі Варшаву і перанеслі галоўную стаўку ў Брэст-над-Бугам (Брэст). Нямецкая разведка даведалася аб гэтым і на стаўку былi ўчынены налёты авіяцыі, пасля чаго стаўка выехала ва Уладзімір-Валынскі. На Брэст рухаўся ХIХ механізаваны корпус генерала Г. Гудэрыяна, у які ўваходзілі 3-я, 8-я і 10-я бранятанкавыя дывізіі, 20-я мотастралковая пяхотная дывізія.
Дадатковая інфармацыя
- Імёны Крывашэін Сямён Майсеевіч
- Падзеі Вызваленчы паход 1939
- Помнікі Брэсцкая крэпасць
- Рэгіён Брэст, Брэст над Бугам
- Прадметы Героі Савецкага Саюза, Ганаровыя грамадзяне
- Установы