Васіль Фёдаравіч Макуха нарадзіўся 15 студзеня 1923 г. у сяле Рачкі Чудноўскага раёна Жытомірскай вобласці Украінскай ССР. Бацька быў з в. Вулька Папінская Кобрынскага павета Гродзенскай губерні (цяпер Драгічынскага раёна Брэсцкай вобласці), маці паходзіла з Жабінкі.

Святлана Андрэеўна Магілянчык нарадзілася 9 красавіка 1946 г. у г. Драгічыне Брэсцкай вобласці. Гадавалася ў сям'і, дзе была жывая памяць аб Вялікай Айчыннай вайне. Бацька Андрэй Патапавіч Магілянчык родам з в. Вулька-Радавецкая, з першых дзён вайны знаходзіўся на фронце, старшы лейтэнант, узнагароджаны двума ордэнамі Чырвонай Зоркі, ордэнам Чырвоная Сцяга, медалямі «За абарону Москвы», «За Перамогу над Германіяй».

 2026 г. — 320 гадоў з часу разбурэння замка князёў Вішнявецкіх на р. Ясельдзе шведскім войскам Карла XII (в. Жабер Драгічынскага р-на; 1706)

Валерый Пятровіч Расафонаў нарадзіўся 18 сакавіка 1951 г. у г. Драгічыне Брэсцкай вобласці. Бацькі паходзілі з в. Стаўбун Веткаўскага раёна Гомельскай вобласці. Бацька — Пётр Якаўлевіч Расафонаў — ваяваў на 2-м Беларускім фронце ў складзе 434-га стралковага палка 169-й стралковай Рагачоўскай Чырванасцяжнай дывізіі, узнагароджаны медалямі «За отвагу», «За взятие Кёнигсберга», «За взятие Берлина», «За победу над Германией».

Осаўцы Драгічынскага раёна Брэсцкай вобласці вядомы з першай паловы ХVII ст. як вёска Берасцейскага ваяводства. У Осаўцах вядома царква Святога Іаана Хрысціцеля, якая ў канцы XVI ст. уваходзіла ў Драгічынскую пратапопію Турава-Пінскай епархіі. У 1772 г. тут адзначана ўніяцкая парафія са святыняй, у адміністрацыйных адносінах прыналежная Пінскай уніяцкай дыяцэзіі.

Буйныя змяненні адбыліся ў Драгічынскім раёне ў гады 11-й пяцігодкі (1981–1985). Ішло далейшае ўмацаванне матэрыяльна-тэхнічнай базы калгасаў і саўгасаў, расла вытворчасць сельскагаспадарчай прадукцыі, а таксама разгарнулася маштабная палітыка па будаўніцтве. На працягу 1980–1985 гг. было ўведзена больш за 250 новых аб'ектаў рознага прызначэння. Прамысловая структура раёна кожны год станавілася ўсё больш разгалінаванай.

15 студзеня 1940 г. выйшаў Указ Прэзідыума Вярхоўнага Савета БССР «Аб стварэнні раёнаў у Баранавіцкай, Беластоцкай, Брэсцкай, Вілейскай і Пінскай абласцях Беларускай ССР». Гарадскі пасёлак Драгічын стаў цэнтрам створанага Драгічынскага раёна Пінскай вобласці.

Драгічынская зямля поўніцца таленавітымі і знакамітымі людзьмі, і гэта не толькі пісьменнікі, паэты, кампазітары, мастакі, навукоўцы але і вандроўнікі, падарожнікі. Уладзімір Пятровіч Несін — вядомы падарожнік, які амаль увесь свет абышоў басаногім і без асабістага транспарту. Нарадзіўся 13 студзеня 1950 г. у в. Папіна Драгічынскага раёна. Калі яму было шэсць, яго бацькі па прызыву партыі пераехалі ў Казахстан на засваенне цаліны.

Вячаслаў Мікалаевіч Каштальян нарадзіўся ў 6 снежня 1950 г. у в. Хомск Драгічынскага раёна Брэсцкай вобласці. У 1972 г. скончыў Беларускі інстытут механізацыі сельскай гаспадаркі па спецыяльнасці «Механізацыя сельскай гаспадаркі», атрымаў кваліфікацыю «інжынер-механік».

Брашэвічы Драгічынскага раёна Брэсцкай вобласці вядомы з першай паловы ХV ст. як вёска Кобрынскага княства. У першай палове XVII ст. грэка-каталіцкім Тараканскім манастыром тут была пабудавана ўніяцкая царква, пазней храм вядомы як касцёл. Яго выгляд нам вядомы з малюнка Напалеона Орды 1863 г.