Міхась Канстанцінавіч Клышка нарадзіўся 8 ліпеня 1925 года ў вёсцы Данейкі (цяпер Баранавіцкага раёна Брэсцкай вобласці) у сялянскай сям’і. Ад маці, Алесі Сцяпанаўны, вядомай у наваколлі песенніцы, зроблены многія фальклорныя запісы. Міхась Клышка належыць да таго пакалення, якое ці не ўсё палегла ў час Другой сусветнай вайны. Яго малодшы брат Анатоль Канстанцінавіч Клышка (1935) стаў вядомым беларускім крытыкам, празаікам, перакладчыкам, педагогам.

Фёдар Іванавіч Дарашэвіч нарадзіўся 28 жніўня 1905 года ў г. Камянцы Брэсцкага павета Гродзенскай губерні (цяпер Брэсцкай вобласці) ў сялянскай сям’і. Падчас Першай сусветнай вайны сям’я апынулася ў Сібіры ў Томскай губерніі. З малых гадоў хлопчык працаваў з бацькам на чыгунцы. Пачатковую адукацыю атрымаў у школе ліквідацыі непісьменнасці на станцыі Іжморскай. У гэты перыяд ён робіць першыя крокі як мастак-афарміцель, прымаючы ўдзел у афармленні мясцовага рабочага клуба.

Якуб Брэтцар (Брэцар, Брэтзер) нарадзіўся 23 ліпеня 1690 года ў горадзе Пінску. У 1712 годзе ўступіў у ордэн езуітаў у Вільні.

Леў Барысавіч Алімаў нарадзіўся 26 лістапада 1945 года ў г. Брэсце ў рабочай сям’і.

Брэсцкая гарадская бібліятэка была створана  ў 1940 годзе, калі ў далучаным да БССР горадзе стваралася савецкае культурнае асяроддзе.Размяшчалася яна па вул. Камсамольскай, 46. Першапачакова кніжны фонд складаў 2120 экз., затым пачалі паступаць кнігі з дзяржфонду Расіі. Гэта былі творы класікаў марксізму-ленінізму, кнігі па гісторыі УКП(б) і КП(б)Б, творы рускіх і савецкіх пісьменнікаў, замежная класіка ў перакладзе на рускую мову і ў арыгінале.