Спадчына
30 красавіка 2017 г. – 120 гадоў з часу першай у г. Брэсце маёўкі — святкавання Дня салідарнасці працоўных 1 мая (1897)
Першая ў г. Брэсце (Брэст-Літоўску Гродзенскай губерні) нелегальная рабочая арганізацыя з’явілася ў 1895 годзе — тайнае таварыства рабочых і рамеснікаў. Дзейнасцю арганізацыі кіравалі інтэлігенты (мясцовыя настаўнікі) І. Ізбіцкі, А. Левін, А. Сарна, Х. Галдацкі і рабочыя, якія прайшлі прапагандысцкую школу, — Н. Літвак, Я. Грынберг, Л. Гульнік, М. Татарчук і інш. Яны арганізоўвалі сходы на канспіратыўных кватэрах альбо летам за горадам, на якіх чыталі агітацыйную літаратуру па рабочым пытанні («Рабочий день», «Кто чем живёт» і інш.), выступалі перад рабочымі з прамовамі і тлумачэннямі.
Дадатковая інфармацыя
- Імёны Ізбіцкі Іосіф Мордухавіч
- Падзеі Святкаванне Дня салідарнасці працоўных
- Помнікі
- Рэгіён Брэст Літоўск, Брэст
- Прадметы
- Установы Брэсцкае тайнае таварыства рабочых і рамеснікаў
28 красавіка 2017 г. – 55 гадоў з дня ўстаноўкі помніка Мікалаю Васільевічу Гогалю (1809–1852), рускаму пісьменніку, у г. Брэсце (1962)
Да 110-х угодкаў з дня смерці рускага пісьменніка Мікалая Васільевіча Гогаля 28 красавіка 1962 года ў г. Брэсце быў устаноўлены помнік. Месца для яго абрана на вуліцы яго імя ля перакрыжавання з вуліцай Леніна. Бронзавы бюст вышынёй 1,1 м выканаў скульптар А. Я. Шмакаў. Бюст пісьменніка ўстаноўлены на бетонным пастаменце вышынёй 2 м, на ім сціплы надпіс «Н. В. Гоголь». Перад помнікам размешчана кветкавая клумба. Гэта быў першы ў абласным цэнтры помнік дзеячу культуры і мастацтваў. У снежні 2000 года помнік адрэстаўрыраваны, пастамент абліцаваны светла-шэрым гранадыярытам з пражылками цёмна-шэрага дыярыту, які даставілі з Жытомірскай вобласці (Украіна).
Дадатковая інфармацыя
- Імёны Шмакаў Аляксей Ягоравіч, Гогаль Мікалай Васільевіч
- Падзеі
- Помнікі
- Рэгіён Брэст
- Прадметы Помнікі, Скульптары, Бюсты
- Установы
12 снежня 2017 г. – 50 гадоў з дня нараджэння Алега Уладзіміравіча Самойлава (1967–1987), воіна-інтэрнацыяналіста
Алег Уладзіміравіч Самойлаў нарадзіўся 12 снежня 1967 года ў пасёлку Снежнагорск Нарыльскага гарсавета Краснаярскага краю. Маці, Марыя Мацвееўна, родам з вёскі Гасцілавічы Ляхавіцкага раёна Брэсцкай вобласці, пасля заканчэння школы працавала ў Баранавічах, па вечарах вучылася ў тэхнікуме. Пазнаёмілася з салдатам Уладзімірам Самойлавым, родам з-пад Уфы, пасля яго дэмабілізацыі яны перапісваліся, праз год пажаніліся. У 1966 годзе паехалі працаваць на будоўлю Усць-Хантайскай ГЭС, жылі ў Снежнагорску.
Дадатковая інфармацыя
- Імёны Самойлаў Алег Уладзіміравіч
- Падзеі Афганская вайна
- Помнікі
- Рэгіён Баранавічы
- Прадметы Воіны інтэрнацыяналісты
- Установы
30 ліпеня 2017 г. – 95 гадоў з дня нараджэння Уладзіміра Антонавіча Ралько (1922–2006), гаспадарчага дзеяча, двойчы Героя Сацыялістычнай Працы (1958, 1976), старшыні калгаса «Аснежыцкі» Пінскага раёна (1950–1992)
Уладзімір Антонавіч Ралько нарадзіўся 30 ліпеня 1922 года ў сяле Падарэссе Старадарожскага раёна Мінскай вобласці ў сялянскай сям’і. Бацька — Антон Акімавіч Ралько, маці — Яфімія Яфімаўна, браты — Фёдар і Міхаіл. Пасля заканчэння школы (1938) Уладзімір Ралько паступіў у Беларускі палітэхнічны інстытут, але правучыўся нядоўга. У 1940 годзе прызваны ў Чырвоную армію, на пачатку Вялікай Айчыннай вайны стаў курсантам Краснадарскага авіяцыйнага вучылішча.
Дадатковая інфармацыя
- Імёны Ралько Уладзімір Антонавіч
- Падзеі Вялікая Айчынная вайна
- Помнікі
- Рэгіён Пінскі раён, Аснежыцы
- Прадметы Героі Сацыялістычнай Працы, Ганаровыя грамадзяне, Калгасы
- Установы Калгас «Аснежыцкі» Пінскага раёна
25 мая 2017 г. — 50 гадоў з дня нараджэння Паўла Анатольевіча Рабава (1967), мастака ў галіне дэкаратыўна-прыкладнога мастацтва (кераміка)
Павел Анатольевіч Рабаў нарадзіўся 25 мая 1967 года ў Віцебску. Закончыў Мінскае мастацкае вучылішча імя А. К. Глебава (1986) па спецыяльнасці «Мастацкая апрацоўка дрэва, косці і каменя». Пасля тэрміновай службы ў Савецкай арміі некалькі гадоў працаваў, потым паступіў на мастацка-прамысловы факультэт Беларускай акадэміі мастацтваў, вучыўся на кафедры дэкаратыўна-прыкладнога мастацтва, дыплом атрымаў у 1995 годзе.
Дадатковая інфармацыя
- Імёны Рабаў Павел Анатольевіч
- Падзеі
- Помнікі
- Рэгіён Брэст
- Прадметы Мастакі, Мастакі дэкаратыўна прыкладного мастацтва
- Установы