Дзіўнае спалучэнне прыгажосці і непаўторнасці прыроды Бярозаўскага краю... Дзякуючы якой птушцы «Споровский» заказнік стаў вядомым усяму свету, якую туфельку па легендзе страціла багіня прыгажосці Венера, чаму Спораўскім балотам прысвоены статус Рамсарскіх балот, дзе можна ўбачыць майстэрства касьбы? Адказы на гэтыя пытанні юныя бярозаўчане знайшлі, паглядзеўшы відэачасопіс «Напевы природы: заказник “Споровский”», які быў прадэманстраваны ў пункце выдачы Бярозаўскай цэнтральнай раённай бібліятэкі (вул. Леніна, 104 а). Старонкі відэачасопіса суправаджалі пытанні віктарын «Занимательная орнитология», «Зелёный мир болот».

7 жніўня ў Маравільскай сельскай бібліятэцы прайшло пасяджэнне клуба «Крышталік», прымеркаваны да 25-годдзя Спораўскага заказніка.

На экалагічным ўроку дзеці пазнаёміліся з прыгажосцямі нашай мясцовасці, даведаліся, што заказнік забяспечвае спрыяльныя ўмовы для захавання цэлага шэрагу рэдкіх і ўнікальных відаў раслін і жывёл, якія знаходзяцца пад пагрозай знікнення.

Выхоўваць з дзяцінства высокую экалагічную культуру – справа складаная і няпростая, але ў той жа час ганаровая і патрэбная, таму што кожны чалавек нясе адказнасць за багацце роднай прыроды.

27 мая ў Ганцавіцкай цэнтральнай раённай бібліятэцы імя В. Праскурава прайшоў літаратурны дыялог «Мне сніліся вершы...» з паэткай Ганцаўшчыны, членам Саюза пісьменнікаў Беларусі Святланай Локтыш.

3 мая ў Белаазёрскай гарадской бібліятэцы адбылася творчая вечарына «Беларускія ўзоры», прысвечаная 85-годдзю паэта, байкапісца, народнага майстра лозапляцення Міколы Валошчыка. На свяце прысутнічалі чытачы бібліятэкі, удзельнікі клубаў пры бібліятэцы «Вдохновение» і «Паэтычная хатка», вучні СШ № 3 і выхаванцы Белаазёрскага дзяржаўнага прафесіянальна-тэхнічнага каледжа электратэхнікі.