17 сакавіка ў Бярозаўскай дзіцячай бібліятэцы адбылося паседжанне клуба юных аматараў паэзіі "Ступені" з літаратурным падарожжам "Маладыя для маладых".

Навучэнцы 6 "А" СШ № 3 знаёміліся з пісьменнікамі і паэтамі Беларусі і Расіі: Наталляй Волкавай, Артурам Гіваргізавым і іх вершамі; з Мікалаем Самарскім і яго кнігамі "На качелях между холмами", "Радуга для друга", "Формула добра, з Алегам Пячэрнікавым — самым юным паэтам у Саюзе пісьменнікаў Расіі, які піша вершы з шасцігадовага ўзросту. Зараз яму 12 гадоў і ён мае ўжо тры зборніка вершаў. 

12 сакавіка ў Маравільскай сельскай бібліятэцы Бярозаўскага раёна сумесна з настаяцелем храма Святой Роўнаапостальнай Марыі Магдаліны ў аг. Сігневічы іерэем Аляксеем Асіпчуком  было праведзена свята Праваслаўнай кнігі “Когда с тобою истина о вечном говорит”.

24 лютага ў чытальнай зале Пінскай цэнтральнай раённай бібліятэкі імя Яўгеніі Янішчыц адбылася прэзентацыя кнігі нашай зямлячкі, паэтэсы Алены Ігнацюк “Будзе ўсё наадварот”. 

Яе першыя, як лічыць сама паэтка, сур’ёзныя творы - цыкл вершаў “Прайсці праз дождж разам з Вамі…” былі апублікаваны ў газеце “Народная трыбуна” у 1993  годзе. Таксама Алена Ігнацюк — аўтар паэтычных кніжак “Нота ля” і “Летаргія”, шэрагу артыкулаў у часопісах “Роднае слова” і “Маладосць”, яе вершы друкаваліся ў тыднёвіку “Літаратура і мастацтва”, у альманахах “Дзень паэзіі” і “Жырандоля” і многіх іншых.

7 лютага ў Пінскай ЦГБ прайшоў урок краязнаўства “Майстар архітэктурнага пейзажу”, прысвечаны 210-годдзю з дня нараджэння  нашага знакамітага земляка Напалеона Орды – мастака, кампазітара, музыканта, педагога. Падчас сустрэчы старшакласнікі СШ №10 г. Пінска  праглядзелі відэасюжэты пра Напалеона Орду, пазнаёміліся з кніжнай выставай, пагарталі альбомы з малюнкамі мастака і паслухалі музыку, якую напісаў творца. Госцем мерапрыества быў мясцовы краязнавец, карэспандэнт газеты “Пінскі веснік” В. Л. Ільянкоў. Вячаслаў Леанідавіч падзяліўся рэдкімі звесткамі, фотаздымкамі і іншымі матэрыяламі з асабістага архіву. З цікавасцю слухалі школьнікі яго аповед пра гравюры, прысвечаныя Пінску, радаслоўную сям’і нашчадкаў славутага земляка, якія і ў наш час наведваюць Пінск. Слухачы даведаліся аб тым, што ў іх родным горадзе нейкі час у палацы Бутрымовіча жыў Напалеон Орда, унук Матэўша Бутрымовіча. Выступоўцы заклікалі ганарыцца земляком, вядомым далёка за межамі Беларусі і шанаваць яго жывапісныя і музычныя творы, якія засталіся нам ў спадчыну.

6 лютага ў Бярозаўскую дзіцячую бібліятэку на гадзіну гісторыі "Ёсць у горадзе вуліцы герояў”, прымеркаваную да  540-годдзя з дня заснавання горада Бяроза, былі запрошаны вучні 6 "Д" класса сярэдняй школы №3.

Школьнікі зрабілі невялікі экскурс у гісторыю вуліц роднага горада. Яны даведаліся, што вуліца Леніна да 1939 года насіла імя Тадэвуша Касцюшкі, вуліца Кастрычніцкая была Татарскай, вуліца Савецкая — Здзітаўская, а адна з найстарэйшых вуліц горада — вуліца Пушкіна — была Кляштарнай. А ўсяго ў Бярозе таго часу налічвалася крыху больш за дваццаць вуліц і завулкаў.