Дастойнае пражыванне жыцця —

справа не простая для душы ўражлівай,

чулай, ранімай.

Ёй не абысціся ні гордым маўчаннем,

ні ганарлівым скепсісам,

ні нават дэманічным бязвер’ем.

Разуменне свету і здабытая ў пошуках зычлівасць,

ласка — вось спосаб парадкавання ўласнай душы.

Уладзімір Калеснік

28 ліпеня на базе УК «Брэсцкая абласная бібліятэка імя М. Горкага» адбылося культурна-асветніцкае мерапрыемства «Брэст: эпізоды аптэчнай справы з мінулага», прымеркаванае да Года гістарычнай памяці. Арганізатарамі мерапрыемства выступілі Брэсцкае РУП «Фармацыя» і Брэсцкае аддзяленне РГАФР «ФАРМАБЕЛ».

Для ўдзельнікаў і гасцей былі прызентаваны музейна-выставачная экспазіцыя аддзела рэдкай кнігі, кніжная выстава «Эпізоды аптэчнай справы: гісторыя і сучаснасць».

Брэсцкае РУП «Фармацыя» — дзяржаўная аптэчная сетка, у якой функцыянуюць больш за 270 фармацэўтычных прадпрыемстваў, а таксама абласны аптэчны склад, кантрольна-аналітычная лабараторыя. На прадрыемстве працуе больш за 1200 чалавек.

На кніжнай выставе «Эпізоды аптэчнай справы: гісторыя і сучаснасць» паданы матэрыялы аб нацыяналізацыі аптэчных прадпрыемстваў, фарміраванні органаў кіравання фармацэўтычнай справай, кадравым забеспячэннем, аб дзейнасці Беларускай навукова-фармацэўтычнай асацыяцыі, праблемах фармацыі, звесткі аб вядомых навукоўцах і практыках, якія ўнеслі значны ўклад у справу развіцця фармацыі Беларусі і Брэстчыны.

Сярод кніг, экспанаваных на выставе, выданні, прысвечаныя юбілейным датам утварэння Брэсцкага РУП «Фармацыя» — «Брестское РУП „Фармация“: вчера, сегодня, завтра» (Брэст, 2009) и «Брестское РУП „Фармация“. На пути к совершенству» (Брэст, 2014); навуковыя выданні В. Ф. Сасонкінай «Фармацевтическое дело в Беларуси (в составе Речи Посполитой и Российской империи)» (Мінск, 2014) і «История фармации Беларуси: (1918–1941): исторический очерк» (Мінск, 2016), а таксама А. А. Капліева «Становление службы скорой медицинской помощи на территории Беларуси (1919–1939 гг.) (Мінск, 2019) і «Становление советского здравоохранения на территории Беларуси в 1917– 1921 гг.» (Мінск, 2022).

Цікавасць выклікалі наступныя кнігі: «Хронология знаменальных событий и дат истории фармацевтической службы Беларуси» (Мінск, 2010), даследаванне В. Ф. Гаранькова і С. В. Гаранькова «Фармация Беларуси XX века» (Мінск, 2001), даведачнае выданне «Мы помним вас поимённо: к 70-летию Победы в Великой Отечественной войне (1941–1945)» (Мінск, 2015), а таксама шэраг матэрыялаў у міжнародных, рэспубліканскіх і абласных навукова-практычных канферэнцый па гісторыі медыцыны і фармацыі.

В ходзе мерапрыемства свае даклады прадставілі кандыдат фізіка-матэматычных навук, дацэнт ДУА «Брэсцкі тэхнічны ўніверсітэт», краязнавец А. А. Гладышчук, вядучы правізар-інспектар арганізацыйна-фармацэўтычнага аддзела РУП «БЕЛФАРМАЦЫЯ», старшыня клуба па гісторыі фармацыі пры РГАФР «ФАРМАБЕЛ» Валянціна Фёдараўна Сасонкіна, выканаўчы дырэктар Брэсцкага яўрэйскага дабрачыннага цэнтра «Хэсэд-Давід» Я. А. Басін і генеральны дырэктар Брэсцкага РУП «Фармацыя», намеснік генеральнага дырэктара Брэсцкага РУП «Фармацыя», старшыня Брэсцкага аддзялення РГАФР «ФАРМАБЕЛ» М. Н. Кулічык. З прывітальным словам удзельнікам і гасцям мерапрыемства выступілі генеральны дырэктар Брэсцкага РУП «Фармацыя» А. А. Ламека і дырэктар УК «Брэсцкая абласная бібліятэка імя М. Горкага» А. Я. Стрыжэвіч.

Што яму, летуценніку, трэба?

На планеце маёй дзень пры дні

Чалавек падымае неба

Да касмічнае вышыні…

Мікола Мятліцкі

У аддзеле краязнаўства Брэсцкай абласной бібліятэкі імя М. Горкага распачала працу кніжная выстава «Пётр Климук: жизнь и подвиг космонавта», прысвечаная 80-годдзю з дня нараджэння ўраджэнца Берасцейшчыны, Ганаровага грамадзяніна Брэста, лётчыка-касманаўта СССР, генерал-палкоўніка авіяцыі, двойчы Героя Савецкага Саюза Пятра Ільіча Клімука.

На экспазіцыі прадстаўлены кнігі юбіляра «Рядом со звёздами» (Масква, 1979) и «Зоры побач» (Мінск, 1977), а таксама – кнігі аб ім, энцыклапедычныя выданні, артыкулы з часопісаў.

На выставе можна азнаёміцца з успамінамі скульптара Івана Місько, які працаваў над бюстам касманаўта, устаноўленым у 1978 г. на бульвары Касманаўтаў у Брэсце.

Шматлікія беларускія пісьменнікі прысвячалі свае творы Пятру Ільічу, сярод якіх: Генадзь Бураўкін, Ларыса Геніюш, Мікола Мятліцкі, Зінаіда Дудзюк, Віктар Гардзей, Уладзімір Сітуха і інш.

Аддзел краязнаўства

+375 162 57 48 79

Сёння ў аддзеле краязнаўства адбылася творчая сустрэча з жонкай заслужанага савецкага і беларускага мастака Кацярыны Францаўны Данелія-Грахоўскай. Яна ўрачыста перадала карціну ў фонд Брэсцкай абласной бібліятэкі імя М. Горкага.

Варта адзначыць, што ў фондзе аддзела краязнаўства ўжо знаходзяцца працы М. Чурабы, А. Алонцава, А. Фецісавай, С. Казака. Сёння гэтую выдатную галерэю карцін папоўніла твор Пятра Данелія, прысвечаны выяве горада Брэста 60-х гг.

Прысутныя, сярод якіх былі і выхаванцы дзіцячай школы выяўленчых мастацтваў ім. А. А. Алонцава, мелі магчымасць пазнаёміцца з кніжнай выстаўкай «Рамантык жывапісу: Пётр Данэлія», прысвечанай жыццю і творчай дзейнасці таленавітага мастака. На экспазіцыі, нараўне з дакументамі з фонду абласной бібліятэкі, былі прадстаўлены матэрыялы з асабістага сямейнага архіва Кацярыны Францаўны.

Мастацтва мастака зачароўвае. Сёння мы ведаем Пятра Аляксеевіча як майстра пейзажнага жанру, тонкага партрэтыста, майстра фігурнай карціны і як мастака-манументаліста. Яго шматлікія работы на выстаўцы былі прадстаўлены ў розных мастацкіх альбомах і каталогах: «Сучасны беларускі жывапіс XXI стагоддзе» (Мінск, 2010), «Мастацтва Беларусі» (Масква, 2010), «Мастацтва сувэрэннай Беларусі» (Мінск, 2016), «Беларускі пейзаж іншай паловы XX–XXI стагоддзя» (Мінск, 2019), «500 шэдэўраў. Нацыянальны мастацкі музей Рэспублікі Беларусь» (Мінск, 2017) і інш.

Госця і дарыльшчык карціны, жонка Пятра Аляксеевіча Кацярына Францаўна Данелія-Грахоўская падзялілася ўспамінамі аб сваёй творчай сям'і. Іх адзіны сын Арсеній у свой час таксама пайшоў па шляху бацькі і прафесійна займаўся жывапісам. Матэр’ялы і фатаздымкі з асабістага архіва былі займальна пракаментаваны Кацярынай Францаўнай і выклікалі жывую цікавасць ва ўсіх прысутных.

Аддзел краязнаўства

+375 162 57 48 79