У сувязі з неабходнасцю ўмацавання дыягнастычнага і лячэбнага працэсу для хворых лёгачным туберкулёзам у канцы 1966 года пачалося будаўніцтва бальніцы ў вёсцы Вярховічы Камянецкага раёна Брэсцкай вобласці. Абласная туберкулёзная бальніца «Вярховічы» была створана паводле рашэння № 100 выканаўчага камітэта Брэсцкага абласнога Савета дэпутатаў працоўных ад 21 лютага 1972 года. 1 сакавіка быў назначаны першы кіраўнік бальніцы –галоўны ўрач Іосіф Казіміравіч Шалонік, выпускнік Віцебскага медыцынскага інстытута 1967 года.

Мікалай Мікалаевіч Дворнікаў нарадзіўся 19 снежня 1907 года ў Гомелі ў рабочай сям’і. З 1926 года працаваў на асушэнні балот, на будоўлі маста цераз Сож, Палаца культуры чыгуначнікаў, завода «Гомсельмаш». З 1929 года на камсамольскай рабоце — сакратар камсамольскай арганізацыі завода сельскагаспадарчага машынабудавання «Гомсельмаш», з 1930-га — сакратар Церахоўскага, Жлобінскага райкамаў ЛКСМБ, загадчык аддзела і член бюро ЦК ЛКСМБ. У 1932 годзе Мікалай Дворнікаў слухаў курсы партыйнай школы ЦК КПЗБ у Мінску.

Аляксандр Валянцінавіч Дранец нарадзіўся 31 студзеня 1962 года ў вёсцы Харомск Столінскага раёна Брэсцкай вобласці. Вучыўся ў Рэспубліканскай школе-інтэрнаце па музыцы і выяўленчаму мастацтву. Скончыў Беларускі тэатральна-мастацкі інстытут (1987), творчыя акадэмічныя майстэрні Міністэрства культуры Беларусі (1993). Вучыўся ў А. Анікейчыка, А. Арцімовіча, З. Азгура.

Лаўрэнцій Зізаній (Тустаноўскі) нарадзіўся верагодна ў канцы 1550 – пачатку 1560-х гадоў. Звесткі аб месцы яго нараджэння супярэчлівыя (Львоў, Вільня, Галіцыя). Паходзіў з дробнага шляхецкага роду Трокскага ваяводства. Адукацыю атрымаў у Астрожскай школе на Валыні. Выпускнікі гэтай школы былі добра падрыхтаваны для распаўсюджвання асветы, працавалі настаўнікамі ў брацкіх школах, бібліятэках і «шпіталях».

Георгій Васільевіч Марчук нарадзіўся 1 студзеня 1947 года ў г. Давыд-Гарадку Пінскай вобласці (цяпер Столінскага раёна Брэсцкай вобласці) у сям’і шаўца. Рана застаўся без маці, жыў з дзедам і бабуляй. Пасля заканчэння СШ № 2 г. Давыд-Гарадка (1965) спрабаваў паступіць ва Усесаюзны інстытут кінематаграфіі, але няўдала. Працаваў кіраўніком драматычнага гуртка Давыд-Гарадоцкага ГДК, метадыстам Столінскага РДК. На старонках раённай газеты «Навіны Палесся» з 1966 года з’яўляюцца яго першыя гумарэскі, рэцэнзіі і апавяданні.