Антон Рыгоравіч Навумавец нарадзіўся 2 студзеня 1936 г. у в. Рудск Пінскага павета Палескага ваяводства (цяпер Іванаўскага раёна Брэсцкай вобласці). У 1945–1952 гг. вучыўся ў Іванаўскай сярэдняй школе. Паступіў на радыёфізічны факультэт Кіеўскага дзяржаўнага ўніверсітэта, які скончыў з адзнакай у 1957 г. Тады ж пачаў працаваць у Інстытуце фізікі Акадэміі навук Украінскай ССР.

Канстанцін Канстанцінавіч Ракасоўскі ў сваіх аўтабіяграфіях згадваў, што нарадзіўся 21 снежня 1896 г. у Варшаве, пазней — г. Вялікія Лукі ў Расіі. І вось у 2021 г. на сваім афіцыйным сайце супрацоўнікі Нацыянальнага гістарычнага архіва Беларусі апублікавалі запіс з метрычнай кнігі Целяханскай царквы пра нараджэнне і хрышчэнне Канстанціна. Запіс быў адшуканы ўраджэнцам в. Соміна Івацэвіцкага раёна Брэсцкай вобласці Уладзімірам Міхайлавічам Абрамчуком, які шукаў у архіве вытокі ўласнага радаводу.

Мікалай Мікалаевіч Папека нарадзіўся 28 снежня 1961 г. у в. Турная Івацэвіцкага раёна Брэсцкай вобласці. Скончыў Аляхновіцкую сярэднюю школу (1979), Смілавіцкі саўгас-тэхнікум (1981). Вышэйшую адукацыю атрымаў ва Украінскай сельскагаспадарчай акадэміі ў Кіеве па спецыяльнасці «заатэхнік-пчаляр» (1986).

Краязнаўцы лічаць, што ў ХVІІ ст. на месцы в. Чэрск Брэсцкага раёна быў дубовы гай, вакол яго — непраходныя балоты. Сюды прыйшлі перасяленцы, якія пабудавалі з дубоў невялікую царкву. Пазней, калі тут з’явілася вёска, храм быў дабудаваны, асвячоны ў імя святога архангела Міхаіла. Мяркуецца, што здарылася гэта 21 лістапада 1701 г.

У сярэдзіне 1960-х гг. у калгасах і саўгасах Жабінкаўскага раёна Брэсцкай вобласці актыўна развіваліся вытворчая і сацыяльная базы, аб’ёмы будаўніча-мантажных работ былі вялікія. Аднак раздробленасць будаўнічых брыгад, кантор, участкаў у раёне для ўзвядзення больш маштабнага аб’екта патрабавала дапамогі з боку.