Пасля вызвалення Брэста ад нямецка-фашысцкіх захопнікаў пачалося аднаўленне разбуранай вайной народнай гаспадаркі. Паляпшэнне стану здароўя насельніцтва патрабавала вялікай колькасці медыцынскіх работнікаў. Сваю працу па падрыхтоўцы медыцынскіх спецыялістаў сярэдняга звяна «Брэсцкі дзяржаўны медыцынскі каледж» пачаў у кастрычніку 1944 года як фельчарска-акушэрская школа. Дзейнасць школы затым была зацверджана Загадам Народнага Камісарыята аховы здароўя СССР № 91 ад 9 лютага 1945 года.

Культурнае развіццё горада Брэста ў 1960-я гады было накіравана на ўмацаванне і ўдасканаленне ўсіх форм культурна-масавай работы. У сярэдзіне 1960-х гадоў у гораде працавалі ўжо шэсць кінатэатраў, у тым ліку нядаўна пабудаваны «Маяк».

Брэсцкае вучылішча чыгуначнага транспарту было створана ў сістэме Працоўных рэзерваў у 1944 годзе. Яно адно з найстарэйшых прафесійна-тэхнічных навучальных устаноў Беларусі. На падставе загаду Брэсцкага абласнога ўпраўлення працоўных рэзерваў № 1 ад 16 жніўня 1944 года з’явілася чыгуначнае вучылішча № 7. Яно размясцілася ў будынку былой Тэхнічнай чыгуначнай школы, побач з чыгуначным тэхнікумам, створаным у 1940 годзе. Заняткі пачаліся 22 верасня 1944 года.

ААТ «Баранавіцкі аўтаагрэгатны завод» – адзін з вядучых вытворцаў аўтакампанентаў для грузавой і аўтобуснай тэхнікі ў СНД.

Баранавіцкая абутковая фабрыка створана ў верасні 1939 года згодна з загадам Народнага Камісарыята лёгкай прамысловасці БССР як фабрыка індывідуальнага пашыву абутку. Дзейнасць фабрыкі пачалася 26 кастрычнiка 1939 года. Яе асноўнай задачай было забеспячэнне насельніцтва скураным абуткам: мужчынскім, жаночым і дзіцячым.