Алег Юр’евіч Мурашоў нарадзіўся 1 студзеня 1961 г. Закончыў Ленінградскі дзяржаўны педагагічны ўніверсітэт імя А. І. Герцэна (1985), Дыпламатычную акадэмію Міністэрства замежных спраў Расіі (2003).

Алена Фамінічна Раманюк (у дзявоцтве Канавальчук) нарадзілася 26 лютага 1946 г. у в. Мацы Кобрынскага раёна Брэсцкай вобласці ў сялянскай сям’і. Вёска Мацы знамянальная тым, што дала свету шмат цікавых, адораных, таленавітых людзей, якія дасягнулі значных вышынь у розных галінах дзейнасці, сваёй працай, талентам праславілі родны край, сваю малую радзіму. А. Ф. Раманюк не стала выключэннем.

Расціслаў Аляксеевіч Шылай нарадзіўся 23 лютага 1936 г. у в. Раўнаполле Пухавіцкага раёна Мінскай вобласці ў рабоча-сялянскай сям’і. Закончыў Рудзенскую сярэднюю школу. Школьнікам Расціслаў любіў выяўленчае мастацтва, маляваў карціны, афармляў насценгазеты. Пасля школы вучыўся на будаўнічым факультэце Беларускага політэхнічнага інстытута (1954–1960).

Марк Аляксандравіч Русін нарадзіўся 18 чэрвеня 1921 г. у г. Кінешма Іванаўскай вобласці. Яго бацька Аляксандр Аляксеевіч быў бухгалтарам, а таксама заўзятым садаводам і кветкаводам. Брат маці Аляксандры Аляксандраўны працаваў бібліятэкарам, але яшчэ быў кампазітарам. Менавіта Мікалай Аляксандравіч Голубеў захапіў пляменніка музыкай.

Дзмітрый Сямёнавіч Стэлецкі нарадзіўся 13 студзеня 1875 г. у г. Брэст-Літоўску Гродзенскай губерні. Бацька Сямён Васільевіч Стэлецкі (1845–1903) закончыў інжынерную ваенную акадэмію ў Санкт-Пецярбургу, служыў інжынер-капітанам у Брэст-Літоўскай крэпасці. Маці Кацярына Георгіеўна памерла ў 1877 г., пахавана на Трышынскіх могілках г. Брэста, пакінула двух малых дзяцей.