Пінск быў вызвалены ад нямецка-фашысцкіх захопнікаў 14 ліпеня 1944 г. У баях за горад загінулі больш за 200 савецкіх воінаў, маракоў і партызан. У гэты дзень на будынку былога абкама партыі быў узняты чырвоны флаг, а на адным з будынкаў каля Цэнтральнай плошчы — ваенна-марскі. Вечарам Масква салютавала доблесным войскам 1-га Беларускага фронту, якія вызвалілі абласны цэнтр, дваццацю залпамі 224 гармат.

Звесткі аб існаванні грамадскай бібліятэкі ў г. Кобрыне Брэсцкай вобласці адносяцца да пачатку ХХ ст., яна праіснавала да жніўня 1915 г., калі ў сувязі з ваеннымі дзеяннямі Першай сусветнай вайны большасць насельніцтва была эвакуіравана ўглыб Расіі.

Тыгран Ішханавіч Джавадзян нарадзіўся 6 жніўня 1963 г. у г. Дарбас Сісіанскага раёна Армянскай ССР. Ва ўзросце шасці гадоў з-за землятруса сям’я пераехала ў Ашхабад, сталіцу Туркменскай ССР, праз год — у Баку, сталіцу Азербайджанскай ССР, дзе Тыгран закончыў школу.

Васіль Гаўрылавіч Давідчык нарадзіўся 12 ліпеня 1924 г. у в. Сенькавічы Кобрынскага павета Палескага ваяводства (цяпер Жабінкаўскага раёна Брэсцкай вобласці) у сялянскай сям’і. Бацькі — Гаўрыіл і Сафія Давідчыкі — гадавалі яшчэ трох сыноў: Мікалая, Міхаіла і Яўгена.

У пошуках лепшых форм кіраўніцтва эканомікай і культурай лістападаўскі (1962) пленум ЦК КПСС прыняў рашэнне аб пераходзе да вытворчага прынцыпу арганізацыйнай пабудовы партыі і з разлікам, што такая перабудова зробіць партыйнае кіраўніцтва народнай гаспадаркай больш канкрэтным і кваліфікаваным, павысіць адказнасць партыйных арганізацый за гаспадарчае будаўніцтва.