Пасля Вялікай Айчыннай вайны ў Беларускай ССР пачалося аднаўленне і развіццё грамадзянскай авіяцыі. Авіяпалкі расфарміроўваліся і перадаваліся ў распараджэнне грамадзянскай авіяцыі. У канцы 1945 г. было сфарміравана Брэсцкае авіяпадраздзяленне пад кіраўніцтвам лётчыка Васілія Васільевіча Васільева. На месцы даваеннага, які існаваў яшчэ пры польскай уладзе ваеннага аэрадрома, прызямліліся самалёты По-2. Тут на прыдатнай для палётаў пляцоўцы 1100х300 м (Камянецкая шаша, 10) пачалося стварэнне Брэсцкага аэрапорта.

Сваю гісторыю інспекцыя па справах непаўналетніх (ІСН) бярэ з часоў грамадзянскай вайны. Пасля яе заканчэння ў краіне была распаўсюджана такая з'ява, як дзіцячая бездагляднасць, павялічылася колькасць злачынстваў, учыненых непаўналетнімі. Барацьба з бездагляднасцю і правапарушэннямі непаўналетніх пачала разглядацца як частка адзінай справы аховы дзяцінства. Для вырашэння гэтай задачы паўсюдна ствараліся дзіцячыя сацыяльныя інспекцыі, якія ў той час знаходзіліся ў падпарадкаванні Народнага камісарыята сацыяльнага забеспячэння. І толькі ў ліпені 1929 г. абавязкі па папярэджанні правапарушэнняў, якія здзяйсняюцца дзецьмі, была ўскладзена на міліцыю. У сувязі з гэтым узнікла неабходнасць стварэння ў краіне спецыялізаваных падраздзяленняў міліцыі, якія павінны былі змагацца з дзіцячай бездагляднасцю і правапарушэннямі.

Пасля далучэння Заходняй Беларусі да БССР 4 снежня 1939 г. былі створаны Баранавіцкая, Брэсцкая, Пінская і іншыя вобласці. Згодна з Указам Прэзідыума Вярхоўнага Савета БССР ад 15 студзеня 1940 г. утвораны Лагішынскі раён з цэнтрам у вёсцы Лагішын у складзе Пінскай вобласці.

Пасля ўз’яднання Заходняй Беларусі з БССР 4 снежня 1939 г. былі ўтвораны Баранавіцкая, Брэсцкая, Пінская і інш. вобласці. Паводле Указа Прэзідыума Вярхоўнага Савета БССР ад 15 студзеня 1940 г. утвораны Гарадзішчанскі раён з цэнтрам у гарадскім пасёлку Гарадзішча ў складзе Баранавіцкай вобласці.

Сцяпан (Стафан) Фёдаравіч Семянюк нарадзіўся 3 снежня 1895 г. у в. Яромічы Кобрынскага павета Гродзенскай губерні (цяпер Кобрынскага раёна Брэсцкай вобласці) у сялянскай сям'і. На той час у Яромічах было 30 двароў, 180 жыхароў, меліся Падалескае валасное ўпраўленне, царква, сінагога, хлебазапасны магазін, кузня, піцейны дом, народнае вучылішча, у якім у 1905 г. навучаліся 69 хлопчыкаў і 9 дзяўчынак.